موج موج صدف صدف

ڈاکٹر ثروت رضوىـ   کنىٹکٹ

اب تو لازم ہے خرافات سے باہر آؤ

فرقے بازى سے فسادات سے باہر آؤ

شہر کے شہر مٹے  جاتے ہىں جنگوں کے طفىل

کوڑھ مغزى کے مضافات سے باہر آؤ

ہاتھ باندھے ہو ىا کھولے ہو انہىں فرق نہىں

متحد ہو کے لڑو گھات سے باہر آؤ

امت ِ خاص ہو اس خاص تشکر مىں جىو

بے سبب گرمئ جذبات سے باہر آؤ

سوگ و گرىہ کى رسومات الگ ہىں ہرجا

بے سبب اىسے سوالات سے باہر آؤ

کربلا بزم نہىں رزم سے تحرىر ہوئ

خالى باتوں سے رواىات سے باہر آؤ

معجزہ اور کرامات بھى ممکن ہىں تب ہى

جب تعصب کى حوالات سے باہر آؤ

مقتل وقت ىہ کہتا ہے تقدُّم قَوُمى

اب دعااور مناجات سے باہر آؤ

خىر کى بات کرو خىر کو تقسىم کرو

شرپسندى کى رواىات سے باہر آؤ

ثروت ِ حرف و سخن بانٹ دو ،ابلاغ کرو

جب کبھى گردشِ حالات سے باہر آؤ