رضوانہ صدىقى- مىرى لىنڈ
تمام فرض عبادات، نماز، روزہ، زکوٰۃ اور حج انسان کى زندگى کو اسلام کے سانچے مىں ڈھلتى ہىں اور اس کو اللہ کى
بندگى کے لىے تىار کرتى ہىں۔ ان عبادتوں مىں کچھ تو صرف بدنى عبادتىں ہىں، کچھ مالى حج اىک اىسى عبادت ہے جو
کچھ بدنى اور مالى دونوں کا امتزاج ہے۔
حج کے معنى عربى زبان مىں زىارت ىا قصد کرنا ہے۔ چونکہ حج مىں دنىا کے ہر ملک سے لوگ کعبہ کى زىارت کا
قصد کرتے ہىں، اس لىے اس کا نام حج رکھا گىا ہے۔
حج تارىخ کے حوالے سے دراصل حضرت ابراہىم علىہ السلام، حضرت اسماعىل علىہ السلام اور ہاجرہ رضى اللہ تعالىٰ
عنہا کى وہ تمام عملى عبادات اور ان کى زندگى کى تمام قربانىوں کى ىادگار ہے جو انہوں نے اللہ کى رضا اور خوشنودى
کے لىے دىں۔
حضرت ابراہىم علىہ اسلام کے نام سے ہر مذہب کے لوگ واقف ہىں، خواہ وہ مسلمان ہوں، عىسائى ہوں ىا ىہودى۔ دنىا کى
دو تہائى سے زىادہ آبادى انہىں اپنا پىشوا مانتى ہے۔ حضرت موسىٰ علىہ السلام، حضرت عىسىٰ علىہ السلام اور ہمارے
آخرى نبى حضرت محمد ﷺ، تىنوں انہى کى اولاد مىں سے ہىں۔ ان کى روشن کى ہوئى شمع سے دنىا بھر مىں ہداىت کا نور
پھىلا ہے۔
حضرت ابراہىم کا گھرانہ اور ان کى قربانىاں:
حضرت ابراہىم علىہ اسلام عراق مىں پىدا ہوئے تھے۔ جس زمانے مىں انہوں نے آنکھ کھولى، اس وقت تمام دنىا شرک اور بت
پرستى مىں مبتلا تھى۔ جس قوم مىں وہ پىدا ہوئے، وہ اىک ستارہ پرست قوم تھى۔ چاند، سورج اور دوسرے سىارے اس کے خدا تھے۔
ان کے باپ دادا اپنى قوم کے پنڈت اور برہمن تھے اور شاہى خاندان کو خداؤں کى اولاد ہونے کى حىثىت سے اہلِ ملک کا رب مانا
جاتا تھا۔
حضرت ابراہىم علىہ السلام نے قطعى فىصلہ کر لىا کہ جن معبودوں کو مىرى قوم پوجتى ہے، ان کو مىں ہرگز نہ پوجوں گا، اور اس
فىصلے پر پہنچ کر انہوں نے على الاعلان لوگوں سے کہہ دىا۔
«إِنِّي بَرِيءٌ مِّمَّا تُشْرِكُونَ»
جن کو تم خدا کے ساتھ شرىک ٹھہراتے ہو، ان سے مىرا کوئى واسطہ نہىں۔
(سورہ الانعام: 78)
مصائب کے پہاڑ
اس اعلان کے بعد حضرت ابراہىم علىہ السلام پر مصىبتوں کے پہاڑ ٹوٹ پڑے۔ باپ نے گھر سے نکال دىا، قوم نے پناہ دىنے سے
انکار کر دىا۔ شاہى دربار مىں فىصلہ ہوا کہ اس شخص کو زندہ جلاىا جائے، مگر وہ پہاڑ سے زىادہ مضبوط دل رکھنے والے اور اللہ
پر مکمل بھروسہ (توکل) رکھنے والے انسان، جو خدائے واحد پر اىمان لا چکے تھے، اس ہولناک سزا کو بھگتنے کے لىے بھى تىار
ہو گئے۔
اللہ نے اپنى قدرت سے ان کو آگ مىں جلنے سے بچا لىا اور اس آگ کو حکم دىا کہ وہ گلزار بن جائے۔ آگ نے اللہ تعالىٰ کے حکم
کى تعمىل کى۔ اس آگ سے جب وہ زندہ سلامت باہر آئے تو وہ اپنے گھر بار، اپنے خاندان، والدىن اور برادرى سب کو چھوڑ کر
ہجرت کر گئے۔
ىہ پہلى چھرى تھى جو انہوں نے اپنے باپ دادا کى اندھى تقلىد، خاندانى اور قومى تعصب اور نفس کى کمزورىوں پر پھىرى، اور
جلاوطنى کى زندگى قبول کر لى۔

حضرت ابراہىم علىہ السلام جہاں بھى گئے، انہوں نے خدا کے سب بندوں کو ىہى دعوت دى کہ دوسروں کى بندگى چھوڑ دو اور
صرف اىک اللہ کى بندگى اختىار کرو، اسى کے بندے بن کر رہو جو حقىقت مىں تمہارا رب ہے۔
اس تبلىغ کا نتىجہ ىہ ہوا کہ وہ اپنے ملک سے نکل کر بھى کہىں چىن سے نہ بىٹھ سکے۔ کبھى شام، کبھى فلسطىن، کبھى مصر اور
کبھى حجاز مىں رہے۔
اللہ تعالىٰ نے سورہ بقرہ کى آىت 131 مىں حضرت ابراہىم علىہ السلام کے قول کو قرآن کى زىنت بناىا
«أَسْلَمْتُ لِرَبِّ الْعَالَمِينَ»
ترجمہ: مىں نے رب العالمىن کے سامنے سرِ تسلىم خم کر دىا۔
جوانى بڑھاپے مىں ڈھل گئى مگر اپنے مشن کى کامىابى مىں مصروف رہے۔ بڑھاپے مىں اولاد نصىب ہوئى تو اس کے لىے بھى
ىہى دىن پسند کىا۔ ابھى اسماعىل علىہ السلام شِىر خوارہى تھے کہ اللہ تعالىٰ نے انہىں اىک اور آزمائش مىں ڈالا اپنى زوجہ حضرت
ہاجرہ علىہ السلام اور بىٹے اسماعىل علىہ السلام کو مکہ کے بے آب و گىاہ، چٹىل مىدان مىں اللہ پر توکل کرتے ہوئے اُسے کے حکم
سے چھوڑ آئے۔
حضرت ہاجرہ علىہ السلام کا بھى اللہ پر توکل مثالى تھا۔ وہ سمجھ گئىں کہ حضرت ابراہىم علىہ السلام نے اللہ کے حکم سے انہىں
ىہاں چھوڑا ہے تو وہى ان دونوں کى حفاظت بھى فرمائے گا۔
اىک دن گرمى کى شدت اور پىاس سے معصوم اسماعىل علىہ السلام رو رو کر ہلکان ہو رہے تھے۔ حضرت ہاجرہ علىہ السلام بے
چىن ہو کر پانى کى تلاش مىں کبھى مروہ پہاڑى پر اور کبھى صفا پہاڑى پر دوڑتى رہىں۔ اس کى ىاد مىں حجاج آج بھى صفا اور
مروہ کى سعى کے سات چکر لگاتے ہىں۔
اللہ نے اسماعىل علىہ السلام اور حضرت ہاجرہ علىہ السلام کى اس پرىشانى کو اس طرح دور کىا کہ معصوم بچے کے پىر مارنے
کى جگہ پر اىک چشمہ جارى کر دىا۔ دونوں نے سىر ہو کر پانى پىا، لىکن وہ چشمہ رکنے کا نام نہ لىتا تھا۔ حضرت ہاجرہ علىہ السلام
نے زور زور سے کہنا شروع کر دىا: زم زم، ىعنى رک جا، رک جا۔ چنانچہ وہ چشمہ رک گىا۔
آج بھى حجاج اس آبِ زمزم کو تبرک کے طور پر سىر ہو کر پىتے ہىں۔
حضرت ابراہىم علىہ السلام کى سب سے بڑى آزمائش ىا قربانى

آخرى عمر مىں بىٹا عطا کىا گىا ، بىٹے کو پال پوس کر بڑا کىا تو آزمائش ہوئى کہ پسندىدہ اور محبوب چىز کو قربان کر دو، اور وہ
اپنے محبوب ترىن بىٹے حضرت اسماعىل علىہ السلام کو اللہ کى راہ مىں قربان کرنے کے لىے منىٰ کى طرف روانہ ہوئے۔
باپ کى طرح بىٹا بھى اللہ کا فرمانبردار تھا، فوراً حکم کى تکمىل کے لىے تىار ہو گىا۔
حضرت ہاجرہ علىہ السلام بھى اللہ کى رضا پر راضى ہوئىں اور شوہر کى فرمانبردارى کى، اور بىٹے کو تىار کىا، پىار کىا اور
حضرت ابراہىم علىہ السلام کے ساتھ قربان گاہ کى طرف روانہ کر دىا۔ شىطان نے بہت بہکاىا، لىکن اسے کنکرىاں مار مار کر
بھگاتے رہے۔ حضرت ہاجرہ علىہ السلام اور اسماعىل علىہ السلام نے بھى اس آزمائش مىں ان کا ساتھ دىا۔لىکن اللہ اپنے نىک بندوں
کو انعام کے ساتھ ساتھ آزماتا بھى ہے۔ اللہ نے حضرت اسماعىل علىہ السلام کى جگہ اىک مىنڈھا لٹا دىا، جس پر حضرت ابراہىم علىہ
السلام نے چھرى پھىرى، اور جب آنکھوں پر سے پٹى اترى تو دىکھا کہ اسماعىل علىہ السلام زندہ سلامت ہىں۔
حجاج اس تارىخى واقعہ ىا قربانى کى ىاد مىں شکرانے کے طور پر منىٰ مىں جانوروں کى قربانى کرتے ہىں اور جمرات مىں
کنکرىاں مارتے ہىں۔ ىہ حضرت ابراہىم علىہ السلام کى آخرى اور بڑى قربانى تھى جو انہوں نے اسلام اور اپنے رب کے ساتھ
وفادارى کے ثبوت مىں پىش کى تھى۔
اس کے صلہ مىں اللہ نے انہىں تمام دنىا کے انسانوں کا امام بنا دىا اور اپنى دوستى کے مرتبے پر سرفراز کىا، اور انہىں «خلىل اللہ»
کا لقب دىا، اور حج کے تمام ارکان مىں حضرت ابراہىم علىہ السلام، حضرت اسماعىل علىہ السلام اور حضرت ہاجرہ علىہ السلام کے
اعمال کو شامل کر دىا۔
حجِ مبرور کىسے ادا کىا جائے؟
جس طرح ہر عبادت کو ادا کرنے کے لىے اللہ اور اس کے رسول نے کچھ آداب بتائے ہىں، اسى طرح حج ادا کرنے کے بھى کچھ
آداب ہىں جن پر عمل کرنا ضرورى ہے
1۔ حج کرنے مىں تاخىر اور ٹال مٹول ہرگز نہ کرىں۔ جب بھى مال کى استطاعت ہو، فوراً اس فرض کو ادا کرىں۔
2۔حج محض اپنے رب کو خوش کرنے کے لىے کرىں، کسى دنىاوى غرض سے اس پاکىزہ مقصد کو آلودہ نہ کرىں۔سورہ بقرہ آىت
نمبر 196 مىں ہے۔

«وَأَتِمُّوا الْحَجَّ وَالْعُمْرَةَ لِلَّهِ»ترجمعہ : حج اور عمرہ اللہ ہى کى خوشنودى کے لىے پورا کرو۔
نبى صلى اللہ علىہ وسلم کا ارشاد ہے کہ حجِ مبرور کا صلہ جنت کے سوا کچھ نہىں (مسلم، کتاب الحج)۔
3۔ حج پر جانے کا چرچا اتنا نہ کرىں کہ وہ نمود و نمائش بن جائے۔ حج کى تىارى مىں اپنے نفس پر قابو پانے کى تربىت کرىں،
غصے کو قابو مىں رکھنے کى کوشش کرىں۔ حج کے تمام ارکان کو ادا کرنے کے طرىقے کو اچھى طرح ىاد کرىں۔
4۔ حج کا بہترىن زادِ راہ ساتھ لىجىے، اور بہترىن زادِ راہ تقوىٰ ہے۔ اس پاکىزہ سفر کے دوران خدا کى نافرمانىوں سے بچنے اور
حجِ بىت اللہ کى برکتوں سے زىادہ مستفىد ہونے والے بندے وہى ہىں جو ہر حال مىں خدا سے ڈرتے ہىں اور اس کى خوشنودى حاصل
کرنے کا والہانہ جذبہ رکھتے ہىں۔
5۔ حج کا ارادہ کرتے ہى اس کے لىے ذہنى ىکسوئى اور تىارى شروع کر دىں، اور پھر اىک باشعور مومن کى طرح پورے شعور
کے ساتھ حج کے ارکان ادا کر کے ان حقىقتوں کو جذب کرىں اور ان کے مطابق اپنى زندگى مىں اصلاح و انقلاب لانے کى کوشش
کرىں، جس کے لىے اللہ نے مومن پر حج فرض کىا ہے۔
سورہ بقرہ مىں ارشادِ بارى تعالىٰ ہے:
«اور خدا کو ىاد کرو جس طرح ىاد کرنے کى اس نے تمہىں ہداىت دى ہے، اور ىہ حقىقت ہے کہ تم لوگ اس سے پہلے بھٹکے
ہوئے تھے۔»قرآن کا مطالعہ کرىں اور حج کے تمام ارکان کى حقىقت جانىں۔
6۔حج کے دوران مسنون دعائىں مانگىں جو ہمارے رسول صلى اللہ علىہ وسلم نے مانگى تھىں۔ حج کے ذرىعے دونوں جہانوں کى
سعادت اور کامىابى طلب کرىں۔
7۔حج کے دوران اللہ کى نافرمانى سے بچنے مىں انتہائى حساس رہىں۔ حج کا سفر اللہ کے گھر کا سفر ہے، آپ اللہ کے مہمان بن کر
جاتے ہىں۔ حجرِ اسود کا استلام کر کے ىا بوسہ دے کر عہد و پىمان باندھتے ہىں، بار بار تکبىر اور تہلىل کى صدائىں بلند کر کے اپنى
وفادارى کا اظہار کرتے ہىں۔ اىسى فضا مىں گناہ سے بچىں۔
8۔طواف کرتے وقت ىہ خىال رکھىں کہ ىہ اللہ کا گھر ہے، اس کا ادب کرىں، باوضو رہىں۔ خواتىن باپردہ لباس پہنىں۔ طواف کے ساتھ
ہر چکر مىں تسبىح، دعائىں اور درود و سلام کا ورد کرىں۔ اپنى نظروں کى حفاظت کرىں اور اللہ تعالىٰ سے گڑگڑا کر دعائىں مانگىں۔
اللہ نے اپنے دربار مىں حاضر ہونے والے بندوں کو خبردار فرماىا ہے کہ خدا کى نافرمانى کى باتىں نہ ہوں۔
9۔ دورانِ حج لڑائى جھگڑے کى باتوں سے دور رہىں، عفو و درگزر اور فىاضى کا برتاؤ کرىں۔ اللہ کا ارشادِ بارى تعالىٰ ہے: ولا
جدال فى الحج (حج مىں جھگڑا نہ کرو)۔
10۔ دورانِ حج شہوانى باتوں سے مکمل پرہىز کرىں۔ سورۂ بقرہ مىں اللہ تعالىٰ نے ارشاد فرماىا: الْحَجُّ أَشْهُرٌ مَّعْلُومَاتٌ فَمَن فَرَضَ
فِيهِنَّ الْحَجَّ فَلَا رَفَثَ وَلَا فُسُوقَ وَلَا جِدَالَ فِي الْحَجِّ حج کے مہىنے معلوم ہىں، جو شخص ان مقررہ مہىنوں مىں حج کى نىت کرے، اسے
خبردار رہنا چاہىے کہ حج کے دوران شہوانى باتىں نہ ہوں۔ (سورۂ بقرہ: 197)
11۔ شعائرِ اللہ کا پورا پورا احترام کرىں، ىعنى تمام مقدس مقامات، قربانى کے جانوروں اور حاجىوں کا احترام کرىں۔
12۔ ارکانِ حج ادا کرتے ہوئے انتہائى عاجزى، احتىاط، بےکسى اور بےبسى کا اظہار کىجىے۔ اللہ کو بندوں کى عاجزى اور
دردمندى سب سے زىادہ پسند ہے۔ نبى ﷺ سے کسى نے پوچھا: حاجى کون ہے؟ فرماىا: جس کے بال بکھرے ہوں اور جو غبار آلودہو۔
(صحىح مسلم )
13۔ احرام باندھنے کے بعد سےہر وقت تلبىہ بلند آواز سے پڑھتے رہىں، ىہ اللہ کو بہت پسند ہے۔
14۔عرفات کے مىدان مىں حاضر ہو کر زىادہ سے زىادہ توبہ و استغفار کرىں، وقت ضائع نہ کرىں۔ خدا کے نزدىک عرفہ کا دن تمام
دنوں سے بہتر ہے۔ اس دن لوگوں کى بخشش ہوتى ہے، اس لىے رو رو کر اپنى مغفرت طلب کرىں۔
15۔ مِنىمىں پہنچ کر اخلاص کے ساتھ قربانى کىجىے، انہى جذبات کے ساتھ جىسے حضرت ابراہىمؑ اور حضرت اسماعىلؑ نے
قربانى پىش کى، ىعنى اللہ کى رضا کے لىے اپنى جان و مال قربان کرنے سے کبھى گرىز نہ کرىں۔
16۔ حج کے اىام مىں مسلسل اللہ کى ىاد مىں مشغول رہىں، کسى وقت بھى دل کو ذکرِ الٰہى سے غافل نہ ہونے دىں۔ خدا کى ىاد ہى
تمام عبادات کا اصل جوہر ہے۔ اللہ کا ارشاد ہے: واذکروا اللہ فى أىامٍ معدودات (اور گنتى کے چند دنوں مىں اللہ کو ىاد کرو)۔ (سورۂ
بقرہ)
17۔ حج کے تمام دنوں مىں ہر قسم کا شکار منع ہے، اس لىے جانوروں حتىٰ کہ کىڑے مکوڑوں کو بھى نقصان نہ پہنچائىں۔
ان تمام باتو ں کو مد نظر رکھتے ہوئے جو حج ادا کىا جائے گا وہ حج مبرور کہلائے گا۔
آخر مىں اللہ سے دعا ہے۔ کہ اللہ ہر مومن کو بار بار حج و عمرہ کى توفىق عط فرمائے۔ اور حضرت ابراہىم علىہ سلام کى طرح
ہمارے اندر بھى خوف خدا ہو- اللہ پر بھروسہ ہو اللہ کى خوشنودى حاصل کرنے والے اعمال کرتے رہىں – آمىن